Tujh bin har din kaise niglun, bina namak ka saag
Kab aavoge, thakya chhat pe bol bol ke kaag
Kab ghar par sovoge sajan, kab jagenge bhaag
Sukha patta joban mera, yaad tumhari aag
Raat huyi hai karwat karwat, bistar kala naag

Kaisa jetha, kaisa kattik, kaise pus or maagh
Bin baati ke bale diwali, sookha ghoome faag

Kab tak bairan neend banegi, kab tak hogi jaag
Kab tak jogan aankh japegi vahi purana raag

Gaon ko bhooli, des bhi bisra, aisi laagi laag
Bas ve chunri od ke raakhun, jismein laaga daag

Tujh bin har din kaise niglun, bina namak ka saag